 |
|
Mbunge wa Jimbo la
Pangani Mhe. Jumaa Awesu akizungumza na wananchi wa Jimbo hilo katika uzinduzi
wa Kivuko cha Mv. Tanga na Gati ya bandari ya Pangani uliofanyika Mkoani Tanga.
|
 |
|
Kaimu Mtendaji Mkuu wa
Wakala wa Ufundi na Umeme (TEMESA) Eng. Manase Ole-Kujan akisoma taarifa ya
ujenzi wa kivuko cha Mv. Tanga kwa Waziri wa Ujenzi, Uchukuzi na Mawasiliano
Profesa Makame Mbarawa (hayupo pichani) katika uzinduzi wa Kivuko hicho na Gati
ya bandari ya Pangani uliofanyika Mkoani Tanga.
|
 |
|
Kaimu Mkurugenzi Mkuu
wa Mamlaka ya Bandari Tanzania (TPA) Eng.Karim Mattaka akisoma taarifa ya
ujenzi wa Gati ya bandari ya Pangani kwa Waziri wa Ujenzi, Uchukuzi na
Mawasiliano Profesa Makame Mbarawa (hayupo pichani) katika uzinduzi wa Kivuko
cha Mv. Tanga na Gati hiyo uliofanyika Mkoani Tanga.
|
 |
|
Katibu Mkuu Wa Wizara
ya Ujenzi, Uchukuzi na Mawasiliano Profesa Makame Mbarawa akifafanua jambo kwa
Waziri wa Ujenzi, Uchukuzi na Mawasiliano Profesa Makame Mbarawa (hayupo
pichani) katika uzinduzi wa Kivuko cha Mv. Tanga na Gati hiyo uliofanyika Mkoani Tanga.
|
 |
|
Waziri wa Ujenzi,
Uchukuzi na Mawasiliano Profesa Makame Mbarawa akifafanua jambo kwa wananchi wa
Pangani katika uzinduzi wa Kivuko cha Mv. Tanga na Gati hiyo uliofanyika Mkoani Tanga.
|
 |
|
Wananchi wa Pangani
wakishangilia ujio wa Kivuko kipya cha Mv. Tanga Wilayani hapo kinachotoa huduma
ya usafirishaji kati ya Pangani na Bweni.
|
 |
|
Waziri wa Ujenzi,
Uchukuzi na Mawasiliano Profesa Makame Mbarawa pamoja na na watendaji wa
Serikali na Wizara wakikata utepe kuashiria uzinduzi rasmi wa Kivuko cha Mv.
Tanga.
|
 |
|
Muonekano wa Kivuko
cha Mv. Tanga kikiwa kwenye maji baada ya kuzinduliwa na kuanza kutoa huduma za
usafirishaji kati ya Pangani na Bweni.
|
 |
|
Waziri wa Ujenzi,
Uchukuzi na Mawasiliano Profesa Makame Mbarawa pamoja na watendaji wa Serikali na Wizara wakizindua
Gati la Bandari ya Tanga.Ukamilifu wa Gati hiyo utasaidia Meli mbalimbali kuweza kutia nanga wilayani Pangani.
|
 |
|
Waziri wa Ujenzi,
Uchukuzi na Mawasiliano Profesa Makame Mbarawa (wa pili kulia) akisafiri na
wakazi katika Kivuko cha Mv.Tanga kutoka Pangani kwenda Bweni mara baada ya
uzinduzi. Wanne kushoto ni Katibu Mkuu wa Wizara hiyo (Sekta ya Ujenzi) Eng.
Joseph Nyamhanga.
|
 |
|
Waziri wa Ujenzi,
Uchukuzi na Mawasiliano Profesa Makame Mbarawa (wa pili kushoto), pamoja na watendaji
wa Wizara hiyo wakishuka kutoka katika Kivuko cha Mv. Tanga mara baada ya
uzinduzi. Wa kwanza kushoto ni Katibu Mkuu wa Wizara hiyo (Sekta ya
Ujenzi). Eng. Joseph Nyamhanga.
Waziri wa Ujenzi,
Uchukuzi na Mawasiliano Profesa Makame Mbarawa amezindua kivuko kipya na cha
kisasa cha Mv. Tanga kinachotoa huduma ya usafirishaji kati ya Pangani na Bweni
na kuzindua Gati ya Bandari ya Pangani wilayani pangani mkoani Tanga.
Akizungumza katika
uzinduzi huo Waziri Mbarawa amesema kuwa ujio wa kivuko hicho utafungua fursa
za kibiashara na kuchochea maendeleo ya kiuchumi wilayani hapo.
“Naamini ujio wa
kivuko hiki utarahisisha huduma za kijamii na maendeleo ya kiuchumi wilayani
hapa, hivyo naomba mkitunze vizuri kivuko hiki ili kiweze kudumu kwa muda
mrefu”, amesema Prof.Mbarawa.
Ameongeza kuwa katika
kuhakikisha huduma za kivuko zinakuwepo muda wote wilayani hapo, Serikali kupitia
Wizara hiyo imetenga fedha kwa ajili ya ujenzi wa boti ambayo itatumika kama
mbadala wa usafiri wakati wa usiku katika maeneo hayo ambapo kivuko cha
Mv.Tanga hakifanyi kazi.
Kuhusu ujenzi wa Gati
ya bandari ya Pangani Waziri Mbarawa ameseama kuwa ujenzi wa gati hiyo
utapelekea Meli kubwa kuweza kutia nanga na kurahisisha usafiri wa moja kwa
moja kutoka Pangani kwenda visiwa vya Unguja na Pemba.
Amefafanua kuwa
Serikali kwa kushirikiana na wadau mbalimbali wataanzisha huduma ya boti za
haraka kutoka Pangani kwenda Mkokotoni Zanzibar hivyo kufungua fursa za
kibiashara na kitalii baina ya Tanga na Zanzibar.
Kwa upande wa huduma
za mawasiliano ya simu wilayani hapo, Prof.Mbarawa amesema kuwa huduma hiyo
itaanza mwezi Desemba mwaka huu kwa mkandarasi kufika na kuanza ujenzi wa
miundombinu ya simu na hivyo kuondoa tatizo la mawasiliano wilayani hapo.
Katika hatua nyingine
Prof. Mbarawa ameahidi kuanza ujenzi wa Barabara ya Tanga-Pangani-Saadani hadi
Bagamoyo (KM 242) kwa kiwango cha lami ifikapo mwakani.
Amefafanua kuwa ujenzi
wa barabara hiyo utakuwa wa awamu ili kuweza kuharakisha kukamilika kwake
ambapo awamu ya kwanza itahusisha kipande cha barabara ya Tanga- Pangani (KM 50)
na kuongeza kuwa ujenzi wa barabara hiyo utafungua fursa za kiuchumi kati ya
Tanga na Pangani.
“Naahidi kujenga
barabara hii ambayo ni kiungo kati ya Tanga na Pangani, naamini ukamilifu wake
utalete maendeleo mkoani hapa”. Amesisitiza Prof. Mbarawa.
Kwa upande wake Katibu
Mkuu wa Wizara hiyo Eng.Joseph Nyamhanga amezipongeza kampuni za Songoro Marine
na Alpha Logistic kwa kumaliza kwa wakati ujenzi wa kivuko na Gati ya bandari
hiyo.
Naye Kaimu Mtendaji
Mkuu wa Wakala wa Ufundi na Umeme (TEMESA) Eng.Manase Ole-kujan amesema kuwa
kivuko cha Mv.Tanga kimejengwa kwa sh.bilioni nne ambapo kina uwezo wa kubeba
tani 50 abiria 100 na magari madogo 6 kwa wakati mmoja.
Ujenzi wa Kivuko cha
Mv. Tanga ni moja ya utekelezaji wa ahadi ya Mhe.Rais Dkt.John Pombe Magufuli
aliyoitoa wakati wa kampeni ya uchaguzi mkuu wa mwaka 2015 wilayani Pangani
Mkoani Tanga.
|
Hakuna maoni:
Chapisha Maoni